Эмомалӣ Раҳмон ба Осиф Алӣ Зардорӣ барқияи табрикӣ ирсол намуд
Душанбе, 15 август. (АМИТ «Ховар»,).- 14 август Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Исломии Покистон Осиф Алӣ Зардорӣ барқияи табрикӣ ирсол намуд, ки дар он аз ҷумла гуфта мешавад:Ҷаноби Олӣ,Сарфарозам, ки Шумо ва мардуми шарифи Покистонро ба муносибати ҷашни солгарди истиқлоли кишвари дўст табрику таҳният гўям.Пойдевори боэътимоди ҳуқуқии муносибатҳои неки Тоҷикистону Покистон ҳанўз дар оғози истиқлоли мо гузошта шуда, то имрўз рушду тавсеаи ҳамкориҳои гуногунсоҳаи мутақобилан судманди ду кишвари ҳамсоя натиҷаҳои хубу назаррас ба бор овардаанд.Бо истифода аз ин фурсати фараҳбахш, умедворам, ки иҷрои аҳду паймонҳои ду ҷониб дар чаҳорчўбаи сафари имсолаи расмии ман ба Покистон муносибатҳои дўстӣ ва ҳамкории муфиди моро ба сатҳи сифатан нав боло хоҳад бардошт. Ҷониби Тоҷикистон, ба хотири татбиқи манфиатҳои муштараки мо, таҳкими суботу амнияти минтақа ва рушди устувори он саъю кўшиши заруриро дар ин самт дареғ нахоҳад дошт.Бо ибрози беҳтарин орзую таманниёт, ба Шумо, Ҷаноби Олӣ, сиҳатии комил ва дастовардҳои навин ва ба мардуми дўсти Покистон сулҳу субот, шукуфоӣ ва комёбиҳо хоҳонам.Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






