«Хатлон Эйр» иҷозатнома гирифт
Душанбе, 9 август. (АМИТ «Ховар», Лаззат Диловарзод).- Тибқи иттилои муовини вазири нақлиёти Тоҷикистон Фирӯз Ҳамроев, дар ҷумҳурӣ боз як ширкати нави ҳавопаймоӣ бо номи «Хатлон Эйр» сабти ном гардида, барои фаъолияти минбаъда дар қаламрави кишвар ва хориҷи он соҳиби иҷозатномаи Идораи танзими ҳавопаймоии Тоҷикистон гардид.Ширкат дар назди идораи мазкур аз танзими техникӣ, вазъи молӣ ва кадрӣ гузашта, барои парвозҳои минбаъда ҳаматарафа тайёрӣ мебинад. Ширкат мақсад дорад фаъолияти минбаъдаи худро дар асоси ба иҷора гирифтани чархболҳо, ки дар вазорату идораҳои қудратии кишвар хеле зиёданду вале истифода намешаванд, амалӣ намояд. Ширкат асосан барои интиқоли молу мавод ва мусофирони Ҷумҳурии Исломии Афғонистон аз манотиқи гуногуни кишвар фаъолият карданист. Ширкати «Хатлон Эйр» ҳамчунин имкон дорад, ки дар асоси шартномаҳои тарафайн молу маводи тоҷирони тоҷикро аз як минтақа ба минтақаи дигари ҷумҳурӣ интиқол диҳад.Айни ҳол корҳо барои аз қайди ниҳодҳои байналмилалӣ гузаронидани ҳуҷҷатҳои техникии чархболҳои ба иҷорагирифташуда идома доранд. Кормандони ширкат ба ин боваранд, ки минбаъд тавассути чархболҳо кашонидани бору мусофир дар минтақаҳои кӯҳсор аз муваффақтарин кори нақлиётӣ хоҳад буд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






