«Истиқлол» бо «Парвоз» қувваозмоӣ менамояд

Душанбе, 30 август (АМИТ «Ховар», Пайрав Назаров). – Дар Федератсияи футболи Тоҷикистон қуръапартоии бозиҳои 1/8 ва 1/4 финалӣ барои дарёфти Ҷоми ҷумҳурӣ дар соли 2011 баргузор шуд. Тавре сомонаи расмии Клуби футболи «Истиқлол» хабар медиҳад, дар ин марҳилаи мусобиқа барои дарёфти Ҷоми Тоҷикистон 12 дастаи зерин иштирок менамояд: 10 намояндаи лигаи олӣ аз ҷумлаи «Истиқлол», ССКА «Помир», «Энергетик», «Гвардия», «Регар – ТадАЗ» (Турсунзода), «Парвоз» (Бобоҷон Ғафуров), «Равшан» (Кӯлоб), «Хайр» (Ваҳдат), «Вахш» (Қӯрғонтеппа) ва «Шодмон» (Ҳисор), ҳамчунин ду дастаи лигаи якум аз қабили «Хулбук» (Восе) ва «Кӯктош» (Рӯдакӣ).