Истиқлолияти ҶТ ва нақши он дар таҳкими дӯстию бародарии миллати афғон ва Тоҷикистон

Душанбе, 17 август. (АМИТ «Ховар»). — Роҳбарияти Чумҳурии Тоҷикистон ва дар раъси он Ҷалолатмаоб Эмомалии Раҳмон дар як давраи аз лиҳози давлатдорӣ бисёр кӯтоҳ ба дастовардҳои фарҳангии ғание даст ёфтаанд. Албатта барои мо, миллати афғон, доштани як ҳамсояе бо чунин роҳбари хирадманд ва дурандеш, ки тамоми арзишҳои миллӣ ва фарҳангии ду миллати тоҷик ва афғонро муроот намуда, намунаи арзиш, мероси муштарак ва як неъмати Илоҳӣ барои мардумони ду соҳили дарёи Омӯ таҷассум гардидааст, бо эҳёи мероси фарҳангӣ ва бузургдошти ёду хотираи Родмардони ин марзу буми ифтихорофаринони Афғонистон ва Тоҷикистон боиси сарбаландии ҳамаи ҳавзаи тамаддунии форсу тоҷик мебошад.Аммо бо камоли таассуф бояд изҳор дошт, ки кӯтаҳандешон ва парокандагуйҳое имрузҳо пайдо мешаванд, ки по аз гилеми худ фаротар гузошта ва ба ҳар он чизе, ки дар он замина ва тахассус надоранд изҳори назар намуда ва даст ба фитнаҳо ва авоқиби нохушояндеро барои чомеъа ба бор хоҳанд овард. Мо, як гуруҳ аз ҷавонони миллати афғон, аз баёноти Муҳаммадаёзи Ниёзӣ Эмомхатиби масҷиди Муҳаммад Вазир Акбархон, дар мавриди ба теғи интиқод кашидани Роҳбарияти ҶТ оид ба масъулияти волидайн дар қиболи фарзандонро маҳкум намуда, ин изҳори назарро муғоир бо ақлу шаръ дониста ва аз ин довариҳои бепояву асос воқеан аз давлати дӯст ва бародари ҶТ ва дар раъси он Ҷаноби олии Эмомалӣ Раҳмон узри бисёр масъалат дорем. Ва ингуна изҳори назар ва довариҳои беасосро фақат аз чунин афроди зоҳирпарасти кӯтоҳандеш метавон интизор дошт. Албатта, ҳеҷ мусалмони лоиқ ва дорои фикру андеша наметавонад аз хадамоти арзандаи Ҷаноби олӣ Эмомалии Раҳмон дар мавриди эҳёи фарҳанги динӣ ва миллии Тоҷикон чашмпушӣ намояд, Тарҷумаи Қуръон бо забони тоҷикӣ боиси дастрасӣ ва ошноии ҳазорон муштоқ ба таълимоти Қуръон ва ҷалби ҷавонон ба арзишҳои исломӣ будааст. Баргузории бузургдошти Эмоми Аъзам ва гуфтугуи тамаддунҳо ва ҷамъ намудани бузургтарин олимони ислом дар сарзамини тоҷикон танҳо аз дасти марди худо ва фарҳангие мисли Эмомалии Раҳмон омадаасту бас. Дар воқеъ, ҳамонгуна ки маълум аст, ин гуна изҳори назарҳо танҳо аз чунин шахсиятҳои мазҳабие мисли Муҳаммадаёз ва амсоли ӯ бармеояду бас, зеро инҳо ҳама чизро танҳо аз даричаи маҳдудаи фикрии худ мебинанд ва тавлиди афкору андешаҳои бузург дар он сангинӣ мекунанд.