Кишти такрорӣ
Хоруғ, 12 август. (АМИТ «Ховар», Л.Додо). — Ҳамасола дар ҳамаи шаклҳои хоҷагидории ноҳияи Ванҷ беш аз 1700 гектар замин кишт карда мешавад. Деҳқонон кӯшиш менамоянд, ки дар шароити камзаминии ин минтақа аз ҳар ваҷаб замин ҳосили дилхоҳ гиранд. Имсол деҳқонони ноҳияи Ванҷ баробари ғалла сабзавоти барвақтӣ кошта, ҳосили хуб гирифтанд. Тибқи маълумоти Раёсати кишоварзии ноҳияи ванҷ дар 200 гектар кишти такрории мошу ҷуворимакка гузаронида шудааст.