Лоиҳаи афзоиш бахшидани нерӯи иҷтимоию иқтисодии занон

Душанбе, 12 август (АМИТ «Ховар», Покиза Маҳмадбекова). – Созмони байналмилалии «Мадина» ва «Ҳамкорон» дар чаҳорчӯбаи барномаи Вазорати корҳои хориҷии Лаҳистон ба маъракаи малакаҳои соҳибкориро ёд гирифтани занон шурӯъ мекунад. Тавре дар Ассосиатсияи созмонҳои молиявии Тоҷикистон ба АМИТ «Ховар» иттилоъ доданд, иштирокдорони барномаи мазкур дар дарсҳои дурӯза аз рӯи асосҳои тиҷорат, қонунгузорӣ, таъсису сабти корхонаҳои нав ва қадр кардани соҳибкори пешқадам иштирок менамоянд.Хотирнишон месозем, ки соли 2009 созмони байналмилалии «Мадина» муассиси ташкилоти «Мадина» ва «Ҳамкорон» гардида буд, ки дар чор ноҳияи ВМКБ намояндагии худро дорад. Вазифаи ин ташкилот иборат аз коҳиш додани сатҳи камбизоатӣ ва дар ҳаёт татбиқ намудани ғояҳои ҷомеаи шаҳрвандӣ мебошад.