Машқи футболбозони «Истиқлол» дар Қайроққум

Душанбе, 12 август (АМИТ «Ховар», Пайрав Назаров). – Қаҳрамони ҳозираи Тоҷикистон оид ба футбол байни дастаҳои лигаи олӣ — Клуби футболи «Истиқлол» — и шаҳри Душанбе дар чаҳорчӯбаи тайёрӣ ба нимаи дуввуми мавсими футбол барои машқу тамрин ба шаҳри Қайроққум омад. Тавре сомонаи расмии Клуби футболи «Истиқлол» иттилоъ медиҳад, варзишгарони шаҳри Душанбе дар маркази таълимии Бонки миллии Тоҷикистон воқеъ дар шаҳри Қайроққум макон гирифтаанд.Дастаи «Истиқлол» 17 август дар даври сеюми мусобиқоти Тоҷикистон бо дастаи «Парвоз» — и ноҳияи Бобоҷон Ғафуров қувваозмоӣ менамояд.