О. Оқилов: «Бунёди корхонаҳои саноатӣ-омили рушди иқтисодиёт»

Душанбе, 29 август. (АМИТ «Ховар», Бекназари Абӯбакр). — 28 августи соли ҷорӣ Сарвазири Ҷумҳурии Тоҷикистон Оқил Оқилов дар ҷамоати деҳоти Сарикиштии ноҳияи Рўдакӣ корхонаи хиштсозии «Хишти аввал»-ро мавриди баҳрабардорӣ қарор дод.Корхонаи мазкур аз ҷониби Ширкати алюминийи тоҷик бунёд гардида, дар як сол иқтидори 23 миллион хишти аълосифат истеҳсол намуданро дорад. Дар корхона зиёда аз 180 мутахассиси маҳаллӣ бо ҷои кор ва маоши баланд таъмин гардида, дастгоҳу таҷҳизоти замонавии он аз Федератсияи Русия, Украина ва Шветсария дастрас шудааст.Оқил Оқилов дар ҷамъомади тантанавӣ бунёди корхонаҳои саноатии хурду бузургро яке аз омилҳои асосии дастгирии истеҳсолоти дохилӣ ва рушди иқтисодиёти мамлакат арзёбӣ кард. Аснои шиносоӣ ба рафти истеҳсолот дар корхонаи мазкур Оқил Оқилов ба масъулони дахлдор доир ба марҳила ба марҳила баланд бардоштани иқтидори корхона, бештар истифода бурдани масолеҳи хоми ватанӣ ва беҳдошти сифати маҳсулот дастуру тавсияҳои судманд дод.