Шаҳрдорӣ соҳибкоронро ба адлу инсоф даъват намуд

Душанбе, 2 август. (АМИТ «Ховар», Марзия Саидова).- Зимни ҷаласаи шаҳрдорӣ Раиси шаҳри Душанбе Маҳмадсаид Убайдуллоев кулли соҳибкорони бозорҳои истеъмолии пойтахтро ба инсоф ва эҳтироми рисолати моҳи шарифи Рамазон ҳидоят намуд. Дар робита ба ин раиси шаҳр директорони бозорҳои шаҳр, Иттифоқи «Тоҷикматлубот» ва 20 нафар соҳибкорони растаи гӯштфурӯшии маҳаллаи 33-юмро, ки барои таъмини аҳолии шаҳр бо гӯшт аз ҳисоби маблағҳои буҷаи шаҳрӣ қарзҳои бефоиз дарёфт намудаанд, муваззаф сохт, ки фурӯши гӯшти хушсифати говро дар шаҳр бо нархи 23 сомонӣ ба роҳ монанд. Муқаррар гардид, ки барои дастгирии оилаҳои камбизоат ва муассисаҳои иҷтимоии шаҳр тадбирҳои муассир роҳандозӣ карда шаванд. Бо ин мақсад бобати ҳамовозӣ бо ибтикороти роҳбари растаи гӯштфурӯшии маҳаллаи 33-юм перомуни ҳамарӯза таъмин намудани 1 тонна гӯшти гӯсфанд бо нархи 23 сомонӣ барои муассисаҳои иҷтимоии шаҳр ва Иттифоқи «Тоҷикматлубот» ҳамарӯза 1 тонна гӯшти гов бо нархи 22 сомонӣ барои оилаҳои камбизоат дар асоси рӯйхати шаҳрдорӣ ҷонибдорӣ amoxil-info.net. Дар ин радиф роҳбарони бозорҳои коммуналӣ бояд ҳамарӯза 10 кг, «Корвон», «Панҷшер» ва «Ганҷина» ҳар кадоме 30 кг ва дигар бозорҳои хусусӣ ҳар кадоме ҳамарӯза 5 кг гӯшти хушсифати говро тибқи рӯйхати шаҳрдорӣ ба оилаҳои камбизоат тариқи ройгон дастрас намоянд.