Шаҳру ноҳияҳои тобеи ҷумҳурӣ аз музди меҳнат қарздоранд

Душанбе, 1 август. (АМИТ «Ховар», Лаззат Диловарзод).- Ба иттилои вазири меҳнат ва ҳифзи иҷтимоии аҳолӣ Маҳмадамин Маҳмадаминов то 1-уми июли соли ҷорӣ қарз аз пардохти музди меҳнат дар ҷумҳурӣ бо назардошти қарзи солҳои гузашта 11 млн. 837 ҳазор сомониро ташкил медиҳад. Қарздории бештари музди мҳнат ба шаҳру ноҳияҳои тобеи ҷумҳурӣ тааллуқ дорад. Аз ҷумла танҳо хоҷагиҳои кишоварзии шаҳри Турсунзода 1 млн. 660 ҳазор сомонӣ ва корхонаҳои шаҳри Роғун бошанд 4 млн. 404 ҳазор сомонӣ аз музди меҳнат қарздоранд, ки он 54,7 фоизи ҳаҷми умумии қарздорӣ аз музди меҳнат дар ҷумҳуриро ташкил медиҳад.Ҳолати қарздорӣ аз музди меҳнат дар шаҳру ноҳияҳои вилояти Хатлон низ нигаронкунанда аст. Қарздорӣ аз музди меҳнат дар ин минтақаи ҷумҳурӣ ба 2 млн. 357 ҳазор сомонӣ баробар аст.