Сокинони ҷамоати шаҳраки Нов бо оби нўшокӣ таъмин гардиданд

Душанбе, 4 август. (АМИТ «Ховар», Покиза Маҳмадбекова).-Бо дастгирии мақомоти иҷроияи ҳокимияти давлатии ноҳияи Спитамен ва лоиҳаи рушди маҳал «Юсаид» як қисм сокинони маҳаллаи А.Бозоров, Қарабоева, Ленин ва боғчаи бачагонаи рақами 17 бо оби тозаи нўшокӣ таъмин гардиданд.Дар расми ифтитоҳи хати нави обгузар муовини Раиси ноҳия Инъомҷон Ризоев, намояндагони ташкилоти «Юсаид» Кевин Дин ва Муниса Ваҳҳобова иштирок намуданд.Ба ин муносибат дар назди пойгоҳи обкашии шаҳраки Сомониён нуқтаи обтаъминкунӣ ба истифода дода шуд, ки аз он зиёда аз 30 нуқтаи обнўшӣ ба мардум хизмат мерасонад. Барои иҷрои лоиҳаи мазкур 18 000 доллари амрикоӣ аз тарафи ташкилоти «Юсаид», ҳамчунин мақомоти маҳаллӣ ва мардуми ин маҳаллаҳо масраф гардидааст. Кевин Дин перомуни ҳамкориҳо сухан карда аз ҷумла иброз дошт, ки чунин лоиҳа дар ҷамоати деҳоти Қӯштегирмон низ амалӣ хоҳад гашт.Дар ин бора ба АМИТ «Ховар» аз Хадамоти матбуоти Раиси вилояти Суғд хабар доданд.