Абдуҷаббор Зардиев: Дастовардҳои 20 соли Истиқлолият назаррасанд

Кӯлоб, 13 сентябр. (АМИТ «Ховар», С. Холов). – Кооперативи истеҳсолии ба номи Сайид Алии Ҳамадонии ноҳияи Кӯлоб хоҷагии калонтарини тухмипарварӣ ва зотпарварӣ ба ҳисоб рафта, деҳқонони он дар 20 сол 80 ҳазор тонна пахта, 60 ҳазор тонна сабзавоту картошка, 50 тонна пилла ва дигар маҳсулоти хоҷагии қишлоқ истеҳсол намуда, ба бозорҳои дохилӣ ва берун аз ҷумҳурӣ баровардаанд, — гуфт раиси хоҷагии мазкур Абдуҷаббор Зардиев. Дар ин давра 250 га боғи содиротӣ бунёд шудааст. Дар хоҷагӣ солҳои охир корхонаҳои коркарди пахта ва коркарди маҳсулоти сабзавоту мева ба истифода дода шуд. Мавриди зикр аст, ки аз ҳисоби маблағҳои хоҷагӣ 10 мактаби таҳсилоти умумӣ, боғчаи бачагона, беморхонаи марказии ноҳиявӣ, марказҳои саломатӣ ва бунгоҳҳои тиббӣ сохта шудаанд.