Амалӣ шудани корҳои илмию тадқиқотӣ

Душанбе, 6 сентябр. (АМИТ «Ховар», Лаззат Диловарзод).- Бино ба иттилои котиби илмии Академияи илмҳои кишоварзӣ Давлатҷон Комилзода, натиҷаи корҳои илмию тадқиқотии Пажӯҳишгоҳи чорводорӣ дар 26 пойгоҳи чорводорӣ амалӣ мегардад.Аз ҷумла дар соҳаи чорвои сергӯшт парваришгоҳи зотпарварии ба номи Сангак Сафарови ноҳияи Балҷувон, дар соҳаи қутоспарварӣ хоҷагии зотпарварии ба номи С.Аслиддинови ноҳияҳои Ҷиргатол, «Россия» -и ноҳияи Айнӣ ва хоҷагиҳои ноҳияи Кӯҳистони Мастчоҳ ҳамчун марказҳои селексионӣ интихоб гардиданд.Доир ба чорвои ширдеҳ тадқиқоти селексионӣ дар хоҷагиҳои зотпарварии А.Ҷумъаев ва Бобокалонови ноҳияи Бобоҷон Ғафуров, «Гулистон» — и ноҳияи Спитамени вилояти Суғд ҷамъияти саҳҳомии «Баракат» ва Латиф Муродови ноҳияи Ҳисор, хоҷагии зотпарварии «Кӯлоб» — и ноҳияи Вахш амалӣ мегардад.Олимони Пажӯҳишгоҳи чорводорӣ корҳои илмию тадқиқотии худро дар соҳаи такмили зоти нави гӯсфанди «ҳисорӣ» дар парваришгоҳи «Ҳисор» — и ноҳияи Фархор, дар хоҷагии «Сағирдашт» — и ноҳияи Дарвоз, хоҷагиҳои зотпарварии «Кангурт» ва «Олучабулоқ» — и ноҳияи Данғара ба роҳ монда, зоти нави гӯсфанди «ҳисорӣ» — ро ба вуҷуд оварданианд.