Фанни «иқтисод» — ро дар синфҳои 10 – 11 ҷорӣ карданианд

Душанбе, 27 сентябр. (АМИТ «Ховар», Людмила Дубинина). — Гурӯҳи намояндагони Тоҷикистон иборат аз 24 нафар аз ҷумлаи ректорони Донишгоҳи славянии Русия ва Тоҷикистон, Донишгоҳи омӯзгории Тоҷикистон ба номи С.Айнӣ, Доникадаи соҳибкорӣ ва хизмат, Донишгоҳи тиҷорати Тоҷикистон ва донишкадаҳои дигари олӣ бо роҳбарии президенти Академияи маорифи Тоҷикистон Ирина Каримова ба шаҳри Венаи Австрия сафар намуд. Ин сафар дар доираи лоиҳаи «Тарҳрезӣ ва ҷорӣ намудани сохторҳои устувор бобати тарбияи руҳи соҳибкорӣ дар Федератсияи Русия ва Тоҷикистон» сурат гирифт. Тавре И.Каримова изҳор намуд, мақсади лоиҳаи мазкур иборат аз муайян намудани меъёрҳои маърифатӣ ва нақшаҳои таълимӣ, барномаи рӯи кор овардани фанни «иқтисод» ба манзури тарбияи руҳи соҳибкории хонандагон, тарҳрезии консепсияи нақшаҳои таълимӣ ва барномаи тарбияи муаллимони бахши иқтисод мебошад.«Гурӯҳи мо таҷрибаи чунин донишкадаҳои олии Русия, аз қабили донишкадаҳои Санкт – Петербург, Нижний Новгород ва Барнаулро мавриди омӯзиш қарор дод. Акнун иштирокдорони лоиҳа бояд нақшаҳои таълимиро аз рӯи фанни «иқтисод» барои синфҳои 10 – 11 тартиб диҳанд», — иброз дошт Ирина Каримова.