Иқтидори истеҳсолии корхонаи «Зарафшон» чӣ қадар аст?

Душанбе, 15 сентябр. (АМИТ «Ховар», Лаззат Диловарзод).- Корхонаи муштараки тоҷикистонию чиноии «Зарафшон» аз калонтарин корхонаҳои истеҳсолкунандаи тилло дар ҷумҳурӣ мебошад,- иброз доштанд дар Вазорати энергетика ва саноати ҷумҳурӣ ба мухбири АМИТ «Ховар».Ба иттилои манбаъ, соли 2010 иқтидори истеҳсолии корхона беш аз ду маротиба афзоиш ёфт. Танҳо соли гузашта тавассути нав кардани технология истеҳсоли тилло ба 1 ҳазору 214,5 килограмм расонида шуд. Дар назар аст, ки соли ҷорӣ истеҳсоли тилло дар ин корхона ба 1,5 тонна расонида шавад.Ба гуфти муовини роҳбари корхонаи «Зарафшон» Бобохон Бобохонов, таҷҳизоти корхона то соли 2016 пурра нав карда мешавад. Баъди нав шудани таҷҳизот иқтидори истеҳсолии корхонаи «Зарафшон» дар як сол ба 7 тонна расонида мешавад.Боис ба ёдоварист, ки 75 фоизи саҳмияҳои корхона ба ширкати чиноии «Zijin Mining Group» ва 25 фоизи он ба Ҳукумати ҶТ тааллуқ дорад.