Ихтироъкорони ҷавон бишитобед!

Душанбе, 5 сентябр.(АМИТ «Ховар», Марзия Саидова).- «Ихтироъкорони беҳтарин» -таҳти чунин унвон ба ифтихори 20-умин солгарди Истиқлолияти давлатии Ҷумҳурии Тоҷикистон 7 сентябр дар Донишгоҳи технологии Тоҷикистон озмуни ҷумҳуриявии олимони ҷавон баргузор мегардад. Тибқи иттилои Ноилшо Нуралиев, сардори маркази матбуоти Вазорати маорифи ҷумҳурӣ озмуни мазкур бо ибтикори Вазорати маорифи ҷумҳурӣ гузаронида мешавад. Ҳадаф аз он дарёфти ихтироъкорону навоварони беҳтарину ҷавон мебошад. Ноилшо Нуралиев афзуд, ки беш аз 40 нафар олимони навовар аз мактабҳои олии кишвар ба Кумитаи тадорукоти озмун ихтирооти худро пешниҳод кардаанд. Бояд тазаккур дод, ки ғолибони озмун бо мукофоти соҳавӣ ва молӣ қадрдонӣ мешаванд.