Муҳокимаи ҳифзи ҳуқуқи муҳоҷирони меҳнатӣ

Душанбе, 20 сентябр. (АМИТ «Ховар», Лутфия Эшонқулова). — Имрӯз мулоқоти дуҷонибаи роҳбарияти Хадамоти муҳоҷирати назди Ҳукумати Ҷумҳурии Тоҷикистон бо раёсати Хадамоти муҳоҷирати Федералии шаҳри Санкт-Петербург ва вилояти Ленингради Федератсияи Русия дар назар дошта шудааст. Дар вохӯрӣ масъалаҳои будубоши муҳоҷирони меҳнатии Ҷумҳурии Тоҷикистон дар шаҳри Санкт- Петербург ва вилояти Ленинград ва кор карда баромадани чораҳои зарурӣ доир ба ҳифзи ҳуқуқию иҷтимоии муҳоҷирони меҳнатӣ муҳокима  мешаванд.Дар ин бора ба АМИТ «Ховар» аз маркази матбуоти Хадамоти муҳоҷирати назди Ҳукумати Ҷумҳурии Тоҷикистон иттилоъ доданд.