Муҷассамаи нахустин поягузори давлати тоҷикон қомат афрохт

Душанбе, 8 сентябр.(АМИТ «Ховар», Марзия Саидова).-Муҷассамаи нахустин асосгузори давлати тоҷикон — шоҳ Исмоили Сомонӣ дар остонаи таҷлили ҷашни Истиқлолияти давлатии Ҷумҳурии Тоҷикистон дар маркази ноҳияи Фархор қомат афрохт. Муҷассама аз ҷониби ҳайкалтарош Шаҳриёр Мухторов ва меъмор Саидобид Ҳафизов сохта шудааст. Идораи фаръии манзилию коммуналии ноҳия фармоишгар ва Ҷамъияти дорои масъулияташ маҳдуди «Самар СМ» пудратчии иншооти ҷашнӣ мебошанд. Назар ба иттилои Раъно Мирзоева, муовини Раиси ноҳияи Фархор муҷассаммаи шоҳ Исмоили Сомонӣ ба мабалғи 360 ҳазор сомонӣ аз ҳисоби маблағҳои буҷети ноҳия дар зарфи 2 моҳ сохта шудааст. Муҷасамма, ки 7 метр баландӣ дорад, дар шафати бинои мақомоти маҳаллии ҳокимияти давлатии ноҳияи Фархор қомат афрохтааст. Мавриди зикр аст, ки дар маросими ифтитоҳи муҷассамаи нахустин асосгузори давлати тоҷикон- шоҳ Исмоили Сомонӣ намояндагони ҳукумати ҷумҳурӣ, аз ҷумла вазири маорифи ҷумҳурӣ Абдуҷаббор Раҳмонов, вакили палатаи поёнии парлумони Тоҷикистон-Маҷлиси намояндагон Сайфулло Гиёев ҳузур доштанд.13.45.