Мулоқоти вазирони корҳои хориҷии Муколамаи ҳамкории Осиё

Душанбе, 21 сентябр. (АМИТ «Ховар», Бекназари Абӯбакр). – 20 сентябри соли 2011 дар Ню – Йорк вазири корҳои хориҷии Ҷумҳурии Тоҷикистон Ҳамрохон Зарифӣ дар маҷлиси вазирони корҳои хориҷии кишварҳои аъзои Муколамаи осиёии ҳамкорӣ иштирок намуд. Тавре дар Вазорати корҳои хориҷии Ҷумҳурии Тоҷикистон ба АМИТ «Ховар» хабар доданд, маҷлис таҳти раёсати муовини Сарвазир, вазири корҳои хориҷии Давлати Кувайт Шайх Муҳаммад Сабоҳ ал – Сабоҳ сурат гирифт. Мақсади асосии ин муколама иборат аз суръат бахшидани муҳокимаи проблемаҳои муҳими қитъаи Осиё мебошад.Қобили зикр аст, ки соли 2012 раёсати маҷлиси вазирони корҳои хориҷии Муколамаи осиёии ҳамкорӣ ба ихтиёри Ҷумҳурии Тоҷикистон мегузарад.