Натиҷаи вохӯриҳои якчаҳорфиналии ҷоми чемпионҳои Осиё

Душанбе, 28 сентябр. (АМИТ «Ховар», Аловиддин Бӯриев).-Дар вохӯриҳои якчаҳорфиналии ҷоми чемпионҳои Осиё дирӯз дастаи «Чеонбук Хундай Моторс»-и Корея бо натиҷаи калон- 6 бар1 тими «Серезо Осака»- и Ҷопонро шикаст дод. Донг Конг дар ин дидор 4 голро ба самар расонид. Дар ҷамъи ду вохӯрӣ кореягиҳо ҳуқуқ пайдо карданд, ки ба марҳилаи нимниҳоӣ роҳ ёбанд.Дар вохӯрии дуюми ин рӯз клуби футболи «Сеул» бар дастаи «Ал-Иттиҳод»-и Арабистони Саудӣ бо ҳисоби 1 бар сифр пирӯз шуд. Вале аз натиҷаи вохӯрии даври аввал «Ал-Иттиҳод» ба даври дигар гузашт. Дар радифи ин вохӯриҳо имрӯз тими «Ал-Садд»-и Қатар бо «Фӯлоди Муборакии Сипоҳон»-и Эрон ва «Зубоҳан» -и ин кишвар бо «Самсунг Блувинс»-и Корея қувва меозмоянд.