Таҷлили рӯзи Рӯдакӣ
Қурғонтеппа, 19 сентябр (АМИТ «Ховар», Мурод Сотиев).-22 сентябри соли ҷорӣ дар шаҳри Қурғонтеппа Рӯзи Рӯдакиро ҷашн мегиранд. Тавре ба АМИТ «Ховар» мудири шӯъбаи рушди иҷтимоиёт ва робита бо ҷомеаи маъмурияти вилояти Хатлон Бобоҷон Саидов иттилоъ дод, худи ҳамон рӯз дар назди ҳайкали сардафтари адабиёти классикии тоҷик Абӯабдулло Рӯдакӣ чорабинии ботантана баргузор мешавад.Дар чорабинӣ иштироки олимони шинохтаю ходимони илм, инчунин баромади ҳунармандони театри маҳаллӣ ва барномаи калони консертӣ дар назар дошта шудааст.