Татбиқи «Лоиҳаи минтақавӣ оид ба интиқоли қувваи барқ»
Душанбе, 12 сентябр. (АМИТ «Ховар», Лаззат Диловарзод).- Бино ба гуфти вазири энергетика ва саноати ҶТ Гул Шералӣ, «Лоиҳаи минтақавӣ оид ба интиқоли қувваи барқ», ки 16 –уми сентябри соли 2010 байни Ҷумҳурии Тоҷикистон ва Бонки Осиёии Рушд, ба имзо расида буд, 15 –уми июни соли 2011 аз тарафи шӯъбаи ҳуқуқи Дастгоҳи Маҷлиси намояндагони Маҷлиси Олӣ ба он хулосаи ташхиси ҳуқукқӣ дода шуд. Пешбинӣ шудааст, ки амалишавии лоиҳаи мазкур то 28 –уми феврали соли 2015 анҷом меёбад. Тибқи ҳисоби пешакӣ, ҳаҷми умумии лоиҳа 141 млн. доллари амрикоиро ташкил медиҳад, ки 122 млн. доллари он маблағи бебозгашт (грантӣ) буда, 19 млн. доллар саҳми ҲукуматиҶТ мебошад.Лоиҳаи мазкур аз шаш қисмат иборат буда, ба он сохтмони хати интиқоли барқи 220 кВт – и Қайроққум – Ашт, сохтмони хати интиқоли барқи 220 кВта –и Геран — Румӣ, барқарорсозии зеристгоҳи 500 кВта – и Регар ва зеристгоҳи 220 кВта –и Бойғозӣ ва насби системаи идоракунии диспечерӣ дохил мегардад.Ба иттилои манбаъ, дар доираи татбиқи лоиҳа 500 адад такягоҳ, 430 километр ноқилҳои барқӣ, насби 240 адад трансформатор, 117 адад васлакҳо – ҷудокунакҳо ва васлу насб намудани 48 адад системаи идоракунӣ ва муҳофизавӣ сохта ба истифода дода мешавад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






