Ҷоми қаҳрамонҳои Осиё. Занозанӣ дар майдон.
Душанбе, 20 октябр. (АМИТ «Ховар», Аловиддин Бӯриев). — Дар дидори даври нимниҳоии лигаи қахрамонҳои Осиё рӯзи чаҳоршанбе дар майдони шаҳри Сувони Куриёи Ҷанубӣ бо ширкати дастаҳои «Сувон Самсунг Бловинс» ва «Ал-Садд»- и Қатар дар дақиқаи 82 – юми вохӯрӣ занозании байниҳамдигарии футболбозон рух дод. Баъди он, ки ҳамлагари дастаи « Ал-Садд» Мамаду Ниянг тӯби дувуми худ ва дастаашро ба тӯри дарвозаи соҳибони майдон равон кард, футболбозони дастаи «Сувон Самсунг Бловинс» эътироз баён карда, ба лату кӯби футболбозони дастаи «Ал- Садд» шурӯъ карданд. Ин ҷангу низоъ тақрибан 10 дақиқа давом кард. Дар натиҷа довар бозингар Кейтаро аз дастаи «Ал Садд» ва Ристичро аз «Сувон Самсунг Бловинс» аз майдон ронд. Дар дақиқаи 96 –ум муаллифи ду тӯб Мамаду Ниянг низ барои ду корти зард майдонро тарк гуфт. Дар вохӯрии дуюми нимниҳоӣ « Ал-Иттиҳод» -и Арабистони Саудӣ дар майдони худ аз «Чонбук Ҳундай Моторс» -и Куриёи Ҷанубӣ бо ҳисоби 2 бар 3 мағлуб шуд. Бозиҳои ҷавобӣ рӯзи 26-октябр баргузор мешаванд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






