Хоҷагии кишоварзӣ ба рушди бештар ниёз дорад

Душанбе, 20 октябр (АМИТ «Ховар», Лаззат Диловарзод).- Бино ба маълумоти Агентии омори назди Президенти ҶТ моҳҳои январ – сентябри соли 2011 дар ҳамаи сохторҳои хоҷагиҳои кишоварзӣ 870 ҳазору 495 тонна ғалла, беш аз 300 ҳазор тонна пахта, 525 ҳазору 829 тонна картошка,  829 ҳазору 376 тонна сабзавот, 330 ҳазору 876 тонна маҳсулоти полезӣ, 179 ҳазору 746 тонна мева ва 92 ҳазору 989 тонна ангур ба даст омадааст, ки нисбат ба ҳамин давраи соли гузашта дар аксари бахшҳо рушди истеҳсолро нишон медиҳад. Ғалла 14,5   ва маҳсулоти полезӣ 13,5 фоиз камтар истеҳсол гардид. Ба гуфти сардори Раёсати  кишоварзии вазорат, Тоҷикистон имконияти боз ҳам бештари истеҳсоли   намудҳои гуногуни маҳсулоти кишоварзиро дорад. Дар сурати коркард шудани ҳамаи намуди маҳсулоти кишоварзӣ,  Тоҷикистон метавонад баробари беш аз 5 млрд. доллари амрикоӣ ба хориҷи кишвар маҳсулоти тайёр фиристад.