Котиби давлатии ШМА ба Ҷумҳурии Тоҷикистон бо сафари расмӣ ташриф овард

Душанбе, 22 октябр. (АМИТ «Ховар», Пайрав Назаров).- Шоми 21 октябри соли 2011 Котиби давлатии Штатҳои Муттаҳидаи Америка Ҳиллари Клинтон бо сафари расмӣ ташриф овард.Дар фурудгоҳи байналмилалии шаҳри Душанбе меҳмони олимақомро Вазири корҳои хориҷии Ҷумҳурии Тоҷикистон Ҳамрохон Зарифӣ ва дигар ашхоси расмӣ истиқбол намуданд. 22 октябр мулоқоти Президенти Ҷумҳурии Тоҷикистон Эмомалӣ Раҳмон бо Котиби давлатии ШМА Ҳиллари Клинтон, инчунин нишасти матбуотӣ бо иштироки Вазири корҳои хориҷии Тоҷикистон ва Котиби давлатии ШМА дар назар аст.Барномаи сафари Котиби давлатии ШМА инчунин вохӯрӣ бо намояндагони доираҳои ҷамъиятии Тоҷикистонро, ки дар Маркази Исмоилияи шаҳри Душанбе баргузор мегардад, дар бар мегирад.
 
Дар ин бора аз раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.