Муҳокимаи дурнамои ҳамкориҳои ҳарбию техникӣ

Душанбе, 5 октябр. (АМИТ «Ховар», Лутфия Эшонқулова). — Вазъ ва дурнамои ҳамкориҳои ҳарбию техникӣ дар ҷараёни мулоқоти вазири мудофиаи Тоҷикистон Шералӣ Хайруллоев бо ҳамтои ҳиндуаш Куреан Энтонӣ дар Душанбе муҳокима гардид. Тавре ки ба АМИТ «Ховар» аз маркази матбуоти вазорати мазкур иттилоъ доданд, зимни вохӯрӣ ҷонибҳо вазъи минтақа ва масоили дуҷонибаи муборизаи муштарак бо терроризмро баррасӣ намуда, ҳавасмандиашонро дар таҳкими ҳамкориҳо изҳор намуданд.Ёдовар мешавем, ки Тоҷикистон бо Ҳиндустон аз соли 2002 инҷониб дар бахши ҳарбию техникӣ ҳамкорӣ дорад.