Муҳокимаи вазъи бозори қоғазҳои қимматбаҳо
Душанбе, 18 октябр. (АМИТ «Ховар», Покиза Маҳмадбекова). – 17 октябр дар Вазорати молияи Ҷумҳурии Тоҷикистон семинар – машварат дар мавзӯи «Ташкили бозори қоғазҳои қимматбаҳо ва фаъолияти ниҳодҳои он» баргузор гардид. Тавре дар Вазорати молияи мамлакат ба АМИТ «Ховар» иттилоъ доданд, дар семинар намояндагони вазорату идораҳои ҷумҳурӣ, ассосиатсияҳои бонкҳои Тоҷикистон, ҳамчунин иштирокдорони касбии бозори қоғазҳои қимматбаҳо, ширкатҳои литсензиядори иштироккунандаи бозори қоғазҳои қимматбаҳо, намояндагони бонкҳои тиҷоратии ҷумҳурӣ ва ҶСК «НОБ – и Роғун» ширкат доштанд. Мувофиқи суханони манбаъ, дар ҷараёни семинар масоили вазъи ҳозираи бозори қоғазҳои қимматбаҳо дар Ҷумҳурии Тоҷикистон ва дурнамои рушди он, ҳамчунин масъалаҳои марбут ба бозори бунёди интиқоли аксияҳои ватанӣ мавриди муҳокима қарор гирифтанд.Дар чаҳорчӯбаи семинар ҳамчунин гузоришҳо дар мавриди бозори сармоя дар давлати Лаҳистон, ҳамчунин мақоми Ассосиатсияи иштирокдорони касбии бозори қоғазҳои қимматбаҳо дар амри рушду густариши бозори қоғазҳои қиматбаҳо дар Ҷумҳурии Тоҷикистон баррасӣ шуданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






