Мусобиқаи ҷумҳуриявӣ ба гиромидошти хотираи Ҷ. Давлатов

Душанбе, 26 октябр. (АМИТ «Ховар», Дилшодаи  Хайруллоҳ). —  Кумитаи  ҷавонон, варзиш  ва  сайёҳии  назди  Ҳукумати  Ҷумҳурии Тоҷикистон бо  мақсади  татбиқи  сиёсати   давлат дар  самти   варзиш ва тарғиби  гӯштини  миллӣ 5-6 ноябри  соли равон  мусобиқаи  кушоди  ҷумҳуриявӣ   гӯштини  миллиро ба гиромидошти  хотираи Ҷангихон Давлатов мегузаронад. Дар  чорабинӣ  ҳайати  дастаҳои  шаҳри  Душанбе, ВМКБ,Суғд, Хатлон, шаҳру  ноҳияҳои  тобеи  марказ, водии Рашт ва  Фархор ширкат  хоҳанд  кард.Ҳайати   дастаҳо аз  10  варзишгар, 1  мураббӣ ва  як  довар иборат  аст. Дар  мусобиқа  варзишгарон  аз рӯи  вазнҳои  50,  60, 65, 70, 75, 80,  86,  95 килограмм ва  вазни мутлақ қувваозмоӣ  менамоянд.Ғолибон  ва  ҷоизадорони  мусобиқаи  ҷумҳуриявӣ  бо  дипломи  ва  медалҳои  Кумитаи  ҷавонон,  варзиш  ва  сайёҳии   назди  Ҳукумати  Ҷумҳурии Тоҷикистон  сарфароз  мегарданд.