Нозироти қатъии кумитаи заминсозӣ нисбат ба истифодаи замин

Кӯлоб, 4 октябр. (АМИТ «Ховар», С.Холов). – Масъулини  Кумитаи  заминсозии  ноҳияи  Данғара   якчанд  қонунвайронкунандагони  заминро  ҷарима бастанд. Сайид  Сафаров,  раиси  Кумитаи  заминсозии  ноҳия дар робита ба  ин  мавзӯъ  гуфт, ки  дар  ин  давра  аз тарафи  нозирон 58 нафар қонуншиканон ошкор гардиданд, ки   ба онҳо  баҳри бартараф  кардани  камбудиҳо  супориш дода шуда,  47  нафари онҳо ба  ҷавобгарии  маъмурӣ  кашида,  аз ин  ҳисоб  ба  суратҳисоби  кумита  15 ҳазору 340 сомонӣ  ворид  гардид. Ба  гуфти  манбаъ,  аксари  қонунвайронкунандагон  аз сабаби риоя  накардани  ҳуқуқи  моликияти  давлатӣ ба  замин,   риоя  накардани  тартиби  ҳифз  ва  истифодаи  замин, истифодаи  замин  бе  ҳуҷҷатҳои  тасдиқгардида, худсарона  иваз  кардани  замин,  саркашӣ  аз  бақайдгирии  замин ва  дигар  ҳуқуқвайронкуниҳо ҷарима баста  шудаанд.