Самуэл Это’О дар қатори беҳтаринҳо.

Душанбе, 27 октябр (АМИТ «Ховар», Аловиддин Бӯриев)- Ҳамлагари дастаи «Анҷи» -и  Мағочқалъа Самуэл Это’О ба рӯйхати 50 нафар довталабони «Тӯби тиллоӣ» -и қитъаи олам шомил шуд. Расман номҳои бозингарон аз ҷониби FIFA ва рӯзномаи «France Football»  рӯзи 1 ноябр эълон мегардад, вале рӯзномаи испании «El Mundo Deportivo»  оҷилан хабар медиҳад, ки 9 нафар бозингарони клуби «Барселона»- Месси, Хави, Инеста, Пике, Пуйол, Фабрегас, Давид Виля, Дани Алвес ва Абидал ба рӯйхати беҳтарин бозингарони ҷаҳон шомил шудаанд. Номи се нафар довталаби асосӣ рӯзи 5 –уми декабр баъди овоздиҳии сармураббиён, капитани дастаҳо ва рӯзноманигорони ҷаҳон маълум мегардад. Расман беҳтарин бозингарро FIFA дар ҷаласаи ҳарсолаи худ рӯзи 9 январ дар Тсюрих эълон мекунад. Инчунин беҳтарин мураббӣ ва беҳтарин бонуи футболбоз ва мураббии тими занона муайян мегарданд.