Шаҳрвандони Қазоқистон тартиботи ҷамъиятиро риоя накарданд

Душанбе, 20 октябр. (АМИТ «Ховар», Мавҷуда Анварӣ). — 18 октябри соли ҷорӣ соати 21.00 дар кӯчаи С. Носири назди осорхонаи С.Айнии пойтахт шахсони номаълум   тартиботи ҷамъиятиро риоя накарда, шаҳрванд А. Расулови 18- соларо лату кӯб намуданд, ки дар натиҷа ӯ ҷароҳати вазнини ҷисмонӣ бардошт.Дар ин бора аз маркази матбуоти ВКД ҶТ ба АМИТ «Ховар» иттилоъ доданд.Зимни дидани чораҳои фаврӣ-ҷустуҷӯии кормандони ҳифзи ҳуқуқ барои  содир намудани ин ҷиноят чор  шаҳрванди Ҷумҳурии Қазоқистонро ҳамчун гумонбар дастгир карданд. Нисбат ба ин ҳодиса парвандаи ҷиноӣ боз шуда, тафтишот идома дорад.