Тайёраи нави Боинг — 737 ба Душанбе дорувор ва асбобҳои тиббӣ овард

Душанбе, 3 октябр. (АМИТ «Ховар»). – Тайёраи  Боинг – 737  ширкати  «Сомон Эйр» ҳангоми  парвозаш  аз  Иёлоти  Муттаҳидаи  Амрико  ба  шаҳри  Душанбе  ба  Сафорати  ИМА  имкон  дод, ки  кӯмаки  башардӯстонаашро  ба  Тоҷикистон оварад.Тавре  дар  Сафорати  ИМА  дар  Тоҷикистон  иттилоъ  доданд,   дорувор  ва  асбобҳои тиббӣ  ба  таври  ройгон  дар  байни  беморхонаю  муассисаҳои тиббии  тамоми  қаламрави  Тоҷикистон  тақсим  карда  мешаванд. Вакили  муваққатии  корҳои  ИМА  дар  Ҷумҳурии  Тоҷикистон  Хонум  Сера  Пенҳюн  дар  маросими  супурдани  кӯмаки  башардӯстона  дар   фурудгоҳи  байналмилалии  Душанбе  ба  кишвари  мо  овардани  доруовр  ва  асбобҳои  тиббиро, ки  маблағи онҳо   беш  аз 170  ҳазор доллари  ИМА – ро ташкил  медиҳад,   табрику  таҳният  гуфт. Хонум  Пенҳюн  чунин  иброз  дошт: «Умедворам, ки  дӯстию  ҳамкории байни  Ҷумҳурии  Тоҷикистон  ва  Иёлоти  Муттаҳидаи  Амрико,  ҳамчунин  миёни  чунин  муассисаҳо, монанди  «Сомон Эйр»  ва  Боинг  минбаъд  ҳам  рушду  густариш   хоҳад  ёфт».