Қочоқчӣ ба мақсад нарасид

Душанбе, 14 ноябр. (АМИТ «Ховар», Лутфия Эшонқулова). – 13 ноябри соли ҷорӣ кормандони мақомоти ҳифзи ҳуқуқи кишвар зимни гузаронидани чорабиниҳои фаврӣ-ҷустуҷӯӣ дар вилояти Хатлон наздики 4 кг маводи мухаддирро кашф намуданд.  Тавре аз маркази матбуоти ВКД ҷумҳурӣ ба АМИТ «Ховар» хабар доданд, шаҳрванди шаҳри Кӯлоби вилояти Хатлон Абдуллоев Файзуллои 24-сола аз тарафи кормандони милиса барои ғайриқонунӣ нигоҳ доштани маводи нашъадор дастгир шуд.«Ҳангоми кофтукови шахсии боздоштшуда аз даруни халтаи селофании ӯ 3 килограмм маводи нашъадори бангдона дарёфт ва мусодира карда шуд»,-қайд намуд манбаъ. Нисбат ба ин ҳодиса парвандаи ҷиноӣ боз шуда, тафтишот идома дорад.