31 ҳазору 538 гектар ғалла ҷамъоварӣ нашуд

Душанбе, 15 ноябр.(АМИТ «Ховар», Лаззат Диловарзод).- Бино ба иттилои фаврии Раёсати растанипарварии Вазорати кишоварзӣ то 14 ноябри соли 2011 аз 300 ҳазору 213 гектар замини кишти ғалла ҳосили 261 ҳазору 728 гектари он ҷамъоварӣ шудааст, ки 96,7 фоизи кишти умумии ғалларо ташкил медиҳад. Ҳосили 257 ҳазору 111 гектари он кӯфта гирифта шуда, ҳосили 43 ҳазору 102 гектар ҳанӯз ҷамъоварӣ нашудааст. Дар сурати аз ҳар як гектар гирифтани 21 сентнерӣ ҳосил имкони ба даст овардани 9 ҳазору 514 тонна ғалла вуҷуд дорад, аммо ҳанӯз маълум нест, ки рӯзҳои боронии тирамоҳ ба ин имконият медода бошанд. Ба иттилои манбаъ, дарави ғалла дар вилоятҳои Хатлону Кӯҳистони Бадахшон пурра анҷом ёфта бошад ҳам, дар вилояти Суғду ноҳияҳои тобеи ҷумҳурӣ ғаллаи 31 ҳазору 538 гектар ҳанӯз дарав нашудааст.