Баррасии ҳамкориҳои иқтисодӣ бо Ҷопон

Душанбе, 28 ноябр. (АМИТ «Ховар», Покиза Маҳмадбекова). — Имрӯз дар Вазорати рушди иқтисод ва савдои Ҷумҳурии Тоҷикистон вохӯрии роҳбарияти Вазорат бо муовини Директори Ҷамъияти Ҷопон оид ба савдо бо Русия ва Иттиҳоди Давлатҳои Мустақил (ROTOBO) Ваҷима Мики сурат гирифт.  Ба мухбири АМИТ «Ховар» аз вазорати мазкур иттилоъ доданд, ки дар ҷараёни мулоқот ҷонибҳо атрофи масъалаҳои ҷорӣ ва дурнамои ҳамкориҳои мутақобилан судманд баҳри рушди соҳаҳои мухталифи иқтисоди миллӣ ибрози назар намуданд. Ҳамчунин дар ҷараёни вохӯрӣ бо муовини директори Ҷамъияти Ҷопон оид ба савдо бо Россия ва Иттиҳоди Давлатҳои Мустақил атрофи нақшаю барномаҳо ва татбиқи лоиҳаҳо аз ҷониби созмони мазкур дар бахши хусусӣ, кишоварзӣ, омӯзиши таҷриба ва дигар самтҳои бахши иқтисодию иҷтимоӣ мубодилаи афкор сурат гирифт.