Баррасии масоили марзии Тоҷикистону Қирғизистон

Душанбе, 30 ноябр. (АМИТ «Ховар», Бекназари Абӯбакр). — 29 ноябри соли ҷорӣ дар бинои маъмурияти давлатии ноҳияи Лайлаки шаҳри Исфанаи вилояти Боткенти Ҷумҳурии Қирғизистон оид ба баррасии масъалаҳои ҳамкориҳои сарҳадӣ байни ноҳияҳои Ҷаббор Расулов, Бобоҷон Ғафуров, Спитамен ва Ғончии вилояти Суғди Тоҷикистон ва ноҳияи Лайлаки Ҷумҳурии Қирғизистон вохӯрии корӣ баргузор гардид.Ҳайати кориро аз вилояти Суғд муовини якуми раиси вилоят Ҷумъабой Сангинов ва аз Ҷумҳурии Қирғизистон муовини губернатори вилояти Боткент Саидҷон Эратов роҳбарӣ карданд.Дар хадамоти матбуоти раиси вилояти Суғд ба мухбири АМИТ «Ховар» иттилоъ доданд, ки дар вохӯрӣ асосан масъалаҳои вобаста ба ҳамкории ноҳияҳои наздисарҳадии вилояти Суғди Ҷумҳурии Тоҷикистон ва вилояти Боткенти Ҷумҳурии Қирғизистон дар соли 2012 мавриди муҳокима қарор гирифт.