Баррасии риояи қоидаҳои муомилот бо фурӯзонакҳои аз истифодабаромада

Душанбе, 22 ноябр. (АМИТ «Ховар», Бекназари Абӯбакр). — Дирӯз дар Раёсати ҳифзи муҳити зисти вилояти Суғд бо иштироки сохторҳои масъул доир ба риояи қоидаҳои муомилот бо фурӯзонакҳои аз истифодабаромадаи симобдор мизи мудаввар баргузор гардид.Иштирокчиёни мизи мудаввар бобати муаммоҳои ҷамъоварӣ, таъсири фурӯзонакҳои симобдори корношоямшуда ҳангоми риоя накардани қоидаҳо, таъсири симоб ба организми инсон, дастрасии маълумот ва иштироки аҳолӣ дар ҳалли муаммоҳои экологӣ табодули афкор намуданд.