ДДО 80-сола шуд

Душанбе, 15 ноябр. (АМИТ «Ховар», Зарина Саидова).- Имрӯз Донишкадаи давлатии омӯзгории ба номи Садриддин Айнӣ 80 сола шуд. Ба ифтихори ин ҷашн дар донишгоҳ конфронси байналмилалии илмию назариявӣ баргузор гардид. Конфронсро ректори донишгоҳ З. Шарифов ифтитоҳ бахшида, перомуни фаъолияти пурсамари донишгоҳ ва саҳми устодону олимони он дар рушди илм ва тарбияи мутахассисони ҷавон сухан гуфт. Дар ҷаласа вазири маорифи кишвар Абдуҷаббор Раҳмонов, меҳмонон аз хориҷи кишвар ва устодону шогирдон иштирок намуданд.Ёдовар мешавем, ки Донишгоҳи омӯзгории пойтахт 18 июни соли 1932 таъсис ёфта, дорои 13 факулта ва 47 ришта мебошад. Ин махзани илму адаб ҳамасола барои муассисаҳои таълимии кишвар мутахассисони варзида тайёр менамояд.