Форуми минтақавии ҷавонон

Душанбе, 9 ноябр. (АМИТ «Ховар», Пайрав Назаров). – Аз 12 то 16 ноябр дар шаҳри Душанбе Форуми минтақавии «Ҷавонони муосири Осиёи Марказӣ» баргузор мешавад. Мувофиқи маълумоти сомонаи расмии DYCA, иштирокдорони форуми имсола мубодилаи таҷриба намуда, ҳамчунин метавонанд таклифу лоиҳаҳои худро дар амал татбиқ намоянд. Онҳо ҳамчунин лоиҳаҳои худро дар ярмаркаи махсус ба маърази намоиш мегузоранд. Ин ярмарка баъди анҷоми форум баргузор гардида, ба онҳо имкон медиҳад, ки аз кӯмакҳои молиявӣ бархӯрдор шаванд.