Футбол: Марҳилаи сеюми бозиҳои олимпӣ дар Осиё

Душанбе, 28 ноябр. (АМИТ «Ховар», Аловиддин Бӯриев). – Дирӯз марҳалаи сеюми бозиҳои интихобии олимпӣ дар риштаи футбол дар қитъаи Осиё барпо гардиданд.Олимпичиёни Амороти Мутаҳидаи Араб дар майдони худ аз рақиби худ дастаи мунтахаби Ироқ бо натиҷаи 0 бар 2 шикаст хӯрданд. Футболбозони Баҳрайн ҳамчунин дар сафар тими мунтахаби Малайзияро бо ҳисоби 3 бар 2 мағлуб карданд. Дастаи Ҷопон бо дастаи Сурия вохӯрда, бо нишондоди 2 бар 1 пирӯзӣ ба даст овард. Вохӯрии дастаҳои Австралия ва мунтахаби Ӯзбекистон мусовӣ 0 бар 0 ба поён расид. Ҳамин тариқ, дар гурӯҳи «А» Куриёи Ҷанубӣ, дар гурӯҳи «Б» Ӯзбекистон ва дар гурӯҳи «С» Ҷопон пешсафанд.