Хизматрасонии нақлиёти мусофирбар беҳбудӣ мехоҳад

Хоруғ, 26 ноябр. (АМИТ «Ховар», Л.Додо). – Хизматрасонии нақлиёти мусофирбар, ҳаракати нақлиёт, танзими нарх дар нақлиёти мусофирбари шаҳри Хоруғ нигаронкунанда аст. Комиссияи мақомоти иҷроияи маҳаллии ҳокимияти давлатии вилоят бо назардошти ин вазъиятро дар хатсайру роҳҳои мошингарди шаҳр санҷида, ба чунин хулоса омад, — гуфт мудири шӯъбаи саноат, коммуникатсия ва сохтмони дастгоҳи раиси вилоят Нуриддин Назархудоев. — Теъдоди нақлиёти мусофирбар дар ҳудуди шаҳр аз меъёри муқарраршуда зиёд буда, вале баъзеи онҳо то истгоҳҳои охир намераванд.Раиси шаҳри Хоруғ Иброҳимбек Ғозибеков аз он изҳори нигаронӣ намуд, ки имрӯз дар хатсайрҳои шаҳр аз ҷумла 180 мошини «Тангем» қисми бештарашон иҷозатнома надоранд.