Ихтирои 36 навъи сабзавот ва дарахтони мевадиҳанда

Душанбе, 3 ноябр. (АМИТ «Ховар», Лаззат Диловарзод).- Бино ба иттилои  котиби илмии Академияи илмҳои кишоварзии ҶТ Давлатҷон Комилзода, олимони Пажӯхишгоҳи боғутокпарварӣ ва сабзавоткорӣ корҳои илмию таҳқиқотиро оид ба рӯёнидани тухмиҳои беҷурми картошка ба роҳ монданд.  Дар ноҳияҳои Ҷиргатол, Тоҷикобод,  Тавилдара, инчунин ноҳияи Ғончии вилояти Суғд ва дар ноҳияи Мӯъминободи вилояти Хатлон тавассути ҳамаи шаклҳои хоҷагиҳои деҳқонӣ ба афзоиши истеҳсоли тухмии картошка дар зарфи 20 соли истиқлолияти ҶТ корҳои зиёдеро анҷом доданд. Бо саъю кӯшиши олимон се навъи тухмии картошка, аз қабили «Каримӣ», «Шукрона» ва «Овчӣ» ба вуҷуд оварда шуд, ки солҳои охир қариб дар ҳамаи хоҷагиҳои картошкапарвар онҳоро кишт намуданд.  Олимони пажӯҳишгоҳи мазкур дар давоми 20 сол беш аз 36 навъи нави сабзавот ва дарахтони мевадиҳандаи серҳосилро ба вуҷуд оварда,  митақабоб карданд.