Кейсуке Ҳонда: пешбарӣ ба унвони беҳтарин футболбози Осиё.
Душанбе, 10 ноябр. (АМИТ «Ховар», Аловиддин Бӯриев). – Нимҳимоятгари клуби футболи ССКА- Маскав ва тими мунтахаби Ҷопон Кейсуке Ҳонда барои комёб шудан ба унвони беҳтарин футболбози Осиё 2011 пешниҳод шуд. Барои соҳиб шудан ба ин унвон 10 футболбоз соли ҷорӣ пешбарӣ шудаанд, ки дар қатори онҳо боз як футболбози дигари ҷопонӣ Синдзи Кагава, ки дар дастаи «Боруссия»-и Олмон бозӣ мекунад, низ шомил шудааст. Андроник Темуриён ва Ҳодӣ Оқилӣ аз Эрон, Ку Ҷа Чхол ва Ем Ки Ҳун аз Куриёи Ҷанубӣ Исмоил Матар аз Амороти Муттаҳидаи Араб, Муҳаммад Нур аз Арабистони Саудӣ, Исмоил Абдулатиф аз Баҳрайн ва Сарвар Ҷабборов аз Ӯзбекистон барои футболбози беҳтарини Осиё шудан талош меварзанд. Соли гузашта низ Кейсуке Хонда ба рӯйхати беҳтарин бозингарон дохил шуда бошад ҳам, дар натиҷа Саша Огненовски аз Австралия бозингари беҳтарини мавсими соли 2010 эълон гардид. Ҳамин тариқ, футболбози беҳтарини Осиё дар соли 2011 рӯзи 23 ноябри соли равон дар ҷаласаи тантанавии Конфедератсияи футболи Осиё дар Куала-Лумпур муайян мешавад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






