Коллеҷи омӯзгории Кӯлоб 80- сола шуд

Кӯлоб, 23 ноябр. (АМИТ «Ховар», Ф. Мадаминов). – 25 ноябр Коллеҷи омӯзгории шаҳри Кӯлоб ҷашни 80 – солагии хешро таҷлил менамояд, ки он ба 20 – умин солгарди истиқлолияти ҷумҳурӣ рост омад. Коллеҷи мазкур соли 1931 таъсис ёфта буд. Ходимони барӯманди давлатию сиёсӣ, ба мисли Низорамо Зарипова, Султон Мирзошоев, Бозгул Додхудоева, шоирон Ғаффор Мирзо, Ҳақназар Ғоиб, Муҳаммад Ғоиб, олимон Соҳиб Табаров, Х.Худойназаров, С.Каримов ва дигарон парвардаи ҳамин даргоҳи муқаддасанд. Дар айни замон дар коллеҷ 1043 нафар донишҷӯ таҳсил менамоянд, ки 613 нафари онҳоро духтарон ташкил медиҳанд.