«Марди роҳ» дар саҳна

Душанбе, 21 ноябр. (АМИТ «Ховар», Раъно Нусратуллоева).- Рӯзи 10 декабр дар Театри давлатии драмавии русии ба номи Маяковскийи пойтахт нахустнамоиши спектакли «Марди роҳ» («Транзитный пассажир»), аз рӯи асари нависандаи қазоқ, барандаи ҷоизаи давлатии Ҷумҳурии Қазоқистон Дулат Исобеков баргузор мегардад. Намоиш дар чаҳорчӯбаи ҳамкориҳои фарҳангии байни ду кишвар бо ташаббуси Вазорати фарҳанги Ҷумҳурии Тоҷикистон ва Сафорати Ҷумҳурии Қазокистон дар Тоҷикистон баргузор мегардад. Дар ин бора аз Вазорати фарҳанги Ҷумҳурии Тоҷикистон хабар доданд.