Нақшаии шудгор ва кишти тирамоҳӣ иҷро нашуд

Ноябрь 25, 2011 10:10

Душанбе, 25 ноябр. (АМИТ «Ховар», Лаззат Диловарзод).- Аз маълумоти фаврии Рёсати растанипарварии Вазорати кишоварзӣ маълум шуд, ки нақшаи шудгор ва кишти тирамоҳии ғалла иҷро нагардида ва заминаи ҳосили — соли 2012 ба таври зарурӣ гузошта нашудааст. Ба иттилои манбаъ, шудгори тирамоҳӣ дар ВМКБ ба андозаи 43,1 фоиз, дар вилояти калонтарини ҷумҳурӣ — Хатлон ҳамагӣ 15,5 фоиз, дар вилояти Суғд – 14,4 ва дар ноҳияҳои тобеи ҷумҳурӣ аз ҳама камтар — 8 фоиз иҷро гардидааст. Ба гуфти мутахассисони вазорат, вазъи кишти тирамоҳӣ нисбат ба ҳамин давраи соли 2010 беҳтар аст. Дар ВМКБ дар майдони 477 гектар кишти тирамоҳӣ гузаронида шудааст, ки он баробари 51,2 фоизи дурнамои кишти тирамоҳии ғалларо ташкил медиҳад. Дар вилояти Хатлон то 20 – уми ноябр аз майдони 116 ҳазору 567 гектар дар масоҳати 27 ҳазору 508 гектар ё баробари 21 фоизи нақша кишти тирамоҳӣ гузаронида шудааст. Кишти тирамоҳӣ дар вилояти Суғд нисбатан беҳтар бошад ҳам, аммо нақшаи пешбинишуда иҷро нагардидааст. Дар ноҳияҳои тобеи ҷумҳурӣ кишти тирамоҳӣ ҳамагӣ 11,7 фоиз иҷро шудааст ва чунонки аз маълумоти раёсати мазкур бар меояд, иҷрои нақшаи кишти тирамоҳӣ дар ягон минтақаи ҷумҳурӣ иҷро нагардидааст.

Ноябрь 25, 2011 10:10

Хабарҳои дигари ин бахш

Лоиҳаи «Стратегияи Ҷумҳурии Тоҷикистон оид ба пешгирии экстремизм ва терроризм барои солҳои 2026-2030» баррасӣ шуд
Тоҷикистон ислоҳоти муассир ва одилонаи воситаҳои молиявии байналмилалиро ҷонибдорӣ менамояд
Мактаб-интернатҳои ҷумҳуриявии шаҳри Ҳисор ба давраи тирамоҳу зимистон омода мебошанд
Дар Душанбе Мусобиқаи «Дави дӯстӣ» баргузор мегардад
Имрӯз дар шаҳри Душанбе ҳаво то 31 дараҷа гарм мешавад
Дар ноҳияи Сангвор бо афсарону сарбозон вохӯрии судманд баргузор гардид
HUAWEI маҳсулоти инноватсионии худро дар Париж муаррифӣ намуд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар шаҳри Новосибирски Русия гӯшаи забон ва адабиёти тоҷик ифтитоҳ ёфт
Имрӯз дар водиҳои Тоҷикистон ҳаво то 34 дараҷа гарм мешавад
Ҳаким Фирдавсӣ камоли бузургвории устод Рӯдакиро дар забону адаби мо дар «Шоҳнома» мавриди ситоиш қарор додааст
Оид ба пешниҳоди «Стратегияи миллии идоракунии партовҳо то соли 2040» ҷаласаи корӣ доир гардид