Намоишгоҳи дуюми махсуси Эрон
Душанбе, 16 ноябр. (АМИТ «Ховар», Покиза Маҳмадбекова). – Аз 16 то 19 ноябри соли равон дар шаҳри Душанбе намоишгоҳи дуюми махсуси технологияҳои энергетикӣ, сохтмон ва истифодаи захираҳои оби Ҷумҳурии Исломии Эрон баргузор мегардад. Тавре дар Палатаи савдо ва саноати ҶТ ба АМИТ «Ховар» иттилоъ доданд, мақсад аз ин чорабинӣ намоиши дастоварду ихтирооти ташкилотҳои илмию тадқиқотӣ, корхонаҳои саноатии Эрон дар бахши рушди технологияҳои энергетикӣ ва табодули таҷриба мебошад. Мувофиқи суханони манбаъ, дар ҷараёни намоишгоҳ доир намудани форуми аҳли тиҷорати Тоҷикистону Эрон низ дар назар аст. Ин чорабинӣ бо дастгирии расмии ҳукуматҳои Тоҷикистону Эрон, Палатаи савдо ва саноати ҶТ, Вазорати рушди иқтисод ва савдо, Вазорати энергетика ва саноати Тоҷикистон, ҳамчунин Намояндагии тиҷоратии Тоҷикистон дар Ҷумҳурии Исломии Эрон сурат мегирад. Хотирнишон месозем, ки намоишгоҳи якуми махсуси технологияҳои энергетикии Ҷумҳурии Исломии Эрон 20 сентябри соли 2010 дар шаҳри Душанбе доир шуда буд.
Имрӯз дар шаҳри Душанбе ҳаво то 38 дараҷа гарм мешавад
Имрӯз дар якчанд вазорату идора нишасти матбуотӣ баргузор мегардад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
