Намояндагии нави «Тоҷиксодиротбонк» дар шимоли кишвар

Душанбе, 30 ноябр. (АМИТ «Ховар», Покиза Маҳмадбекова). — Дар ноҳияи Спитамен намояндагии нави ҶСК «Тоҷиксодиротбонк» ба фаъолият оғоз намуд. Дар маросими тантанавии ифтитоҳи он намояндагони роҳбарияти бонк ва ноҳия сухан гуфтанд. Зикр гардид, ки таъсиси намояндагӣ барои мардуми ноҳия имкониятҳои бештари истифода аз хизматрасониҳои муосири бонкиро фароҳам меорад.Тавре ки аз маркази матбуоти бонки мазкур ба АМИТ «Ховар» хабар доданд, бинои намояндагӣ дорои тамоми шароити зарурӣ барои фаъолияти бонкӣ буда, дар маркази ноҳия ҷойгир шудааст.