Нашри китоби олими тоҷик дар Олмон

Душанбе, 23 ноябр. (АМИТ «Ховар», Гулрӯ Ниёзова).-Дар шаҳри Саарбрюккени Олмон китоби нави Илҳомҷон Ҳамидов, устоди факултети журналистикаи ДМТ, номзади илмҳои филологӣ таҳти унвони «Мавқеи матбуоти иттиҳодиявӣ дар журналистикаи муосири тоҷик» ба забони русӣ аз чоп баромад.Китоб бо мусоидат ва сарпарастии интишороти байналмилалии Олмон интишор гардидааст. Мавриди тазаккур аст, ки ин нашриёти байналмилалӣ фаъолияти худро дар самти чопи китобу асарҳои илмию оммавӣ ба роҳ мондааст ва пайваста адабиёти дорои аҳамияти пурғановати илмиро аз сар то сари ҷаҳон гирдоварӣ ва нашр мекунад.«Мавқеи матбуоти иттиҳодиявӣ дар журналистикаи муосири тоҷик» панҷумин китоби Илҳомҷон Ҳамидов аст.