Натиҷаҳои мусобиқаи байналмилалии тенниси рӯи миз дар Суғд

Душанбе, 30 ноябр. (АМИТ «Ховар», Бекназари Абӯбакр). — Дар толори варзишии “Ҷашнӣ”-и шаҳри Хуҷанд мусобиқаи 14-уми байналмилалии тенниси рӯи миз бахшида ба ёдбуди Нависандаи халқии Тоҷикистон Раҳим Ҷалил доир гардид. Дар мусобиқа дастаҳо аз Ҷумҳуриҳои Қирғизистон, Ӯзбекистон ва шаҳру навоҳии вилояти Суғд, аз ҷумла Хуҷанд, Конибодом, Қайроққум, Спитамен, Бобоҷон Ғафуров ва Ашт ширкат намуда, 56 нафар варзишгар байни худ қувваозмоӣ карданд.Аз хадамоти матбуоти раиси вилояти Суғд ба АМИТ «Ховар» иттилоъ доданд, ки варзишгарони вилоят ба гирифтани 2 медали тилло, 2 медали нуқра ва 2 медали биринҷӣ сазовор гардиданд.